我們搬家了!

GOODBYE KWUN TONG!
昨日係觀塘店最後一日營業,望住呢個親生仔逐步成長,無練精學懶、無行差踏錯,都算係咁。當然主要喺有你哋支持同關注,先有力行到今時今日,嚟緊落地鋪,新一年新環境新嘗試,依然有你哋就有我哋,我哋會盡力搜羅更多好嘢返黎,下一站...深水埗見!
由於新店正進行大掃除,我哋會喺3月8日才開始試業,如果大家想喺呢段時間過嚟睇嘢,歡迎PM我哋預約時間!
新店地址:深水埗荔枝角道169號
⋯ ┈ ┈┈ ┈ ⋯ ┈ ┈┈ ┈ ⋯
【 講經小編突入 】
唔知大家有無留意呢1~2年嘅日本歌壇,有位創作女歌手不但樣子甜美,而且聲線好特別,聽過一次你就會記得佢,佢嘅名字叫milet。喺上年年尾佢出咗首歌「Who I am」,成首歌都好好聽,當中有兩句歌詞令我哋感受最深,想襯呢個機會同大家分享下。
“ɪ’ᴍ ᴛʀyɪɴɢ ᴛᴏ ᴋᴇᴇᴩ ᴍy ʜᴇᴀᴅ ʜɪɢʜ”
歌者唱嘅第一句,已經相當有朝氣,而且對我哋嚟講,呢句歌詞有種意義,就喺提醒自己永沒有最高點,所以不必低著頭。想睇得清、走得遠,就要識得抬高頭、望前方。
“最後のステージから ᴏᴠᴇʀ ᴀɴᴅ ᴏᴠᴇʀ”
即使難關一個再一個,都要抱著決心跨過佢!跨過難關喺需要堅持同決心,而佢嘅演繹喺好切實咁話你知,佢個信念揸得有幾緊,呢個絕對喺我哋需要學習嘅地方。
講咁耐經,都喺想帶出,縱使社會上充滿著荒誕,我們都希望大家一齊經歷、一起前進,縱使社會上充滿著不安,我們都希望大家能互相勉勵、燃起意志、打開自己相信的門扉邁向前。
⋯ ┈ ┈┈ ┈ ⋯ ┈ ┈┈ ┈ ⋯